Mon. Sep 28th, 2020

ஆர்பிஐ அறிவிப்பை மீறி கடன் தவணை கேட்டு நெருக்கும் தனியார் நிதி நிறுவனங்கள்

1 min read
மத்திய, மாநில அரசுகள் பல்வேறு தளர்வுகளை அறிவித்திருந்தாலும் இன்னும் பொது மக்கள் இயல்பு நிலைக்கு திரும்ப முடியவில்லை. திருவள்ளூர் மாவட்டத்தில் நாளுக்கு நாள் கொரோனா தொற்று அதிகரித்து வரும் நிலையில் திருவள்ளூர் நகராட்சி உட்பட்ட பத்தியல்பேட்டை உள்பட பல்வேறு பகுதிகளில் பெற்ற கடன் தொகைக்கான வட்டியுடன் கூடிய தவணைத் தொகையை கட்ட வேண்டும், என்று மறைமுகமாக மிரட்டுவதாக குற்றச்சாட்டு எழுந்து வருகிறது. கொரோனா நோய் தொற்றினை தடுக்கும் வகையில் மத்திய, மாநில அரசுகள் கடந்த மார்ச் 24-ஆம் தேதி முதல் ஜூலை மாதம் 31-ஆம் தேதி வரை பல கட்டங்களாக ஊரடங்கு நடைமுறையில் உள்ளது. பல மாதங்கள் வரை நீடிக்கும் ஊரடங்கினால் பொதுமக்கள் வேலைகளுக்கு செல்ல முடியாமலும், வருமானம் இல்லாமலும் தவித்து வருகின்றனர். இதனை கருத்தில் கொண்டு மத்திய, மாநில அரசுகள் மற்றும் ரிசர்வ் வங்கி பொதுமக்கள் வங்கிகள் மற்றும் தனியார் நிதி நிறுவனங்களில் பெற்ற கடன் தொகைக்கான வட்டியுடன் கூடிய தவணைத் தொகையை, “ஊரடங்கு காலத்தில் ஆகஸ்ட் 31 தேதி வரை வசூலிக்க கூடாது” என்று அறிவித்துள்ளது.
பல தனியார் நிதிநிறுவனங்கள் மகளிர் குழுக்களிடம் கொடுத்த கடனை சில நாட்களாக வசூலிக்காமல் இருந்த நிலையில் தற்போது ஜூலை மாதம் ஊரடங்கு நடைமுறையில் உள்ள நிலையில், ‘மார்ச், ஏப்ரல் மற்றும் மே, ஜீன் மாதங்களுக்கான தவணை தொகைகளுடன் ஜூலை மாதத்திற்கான தவணைத் தொகையும் ஒரே தவணையில் கட்டினால் வட்டி இல்லை. அவ்வாறு கட்டவில்லை என்றால் தவணைகள் முடிந்த கடைசி மாதத்திற்கு அடுத்த மாதம் ஊரடங்கு காலமான மார்ச், ஏப்ரல், மே, ஜூன் ஆகிய மாதங்களுக்கான தவணைத் தொகையை அபராத வட்டியுடன் செலுத்த வேண்டியிருக்கும். அதனால் இப்போதே மாதத்திற்கான தவணைகளை செலுத்துவது நல்லது’ என மறைமுகமாக மிரட்டுவதாக குற்றச்சாட்டு எழுந்துள்ளது. இதில், மாநில அரசு தலையிட்டு, ஏற்கனவே கொரானாவின் பிடியில் சிக்கி தவிக்கும் மக்களை, வங்கிகளும், தனியார் நிதி நிறுவனங்களும் மேலும் கழுத்தை நெறுக்குவதை போல் தற்போது அடாவடிதனம் செய்வதில் இருந்து காத்திட வேண்டுமென, மக்கள் எதிர்பார்கின்றனர்.
G. பாலகிருஷ்ணன்
நிழல்.இன் – 8939476777

Leave a Reply

Your email address will not be published. Required fields are marked *