August 5, 2020

பொன்னேரியில் பிரம்மாண்ட நீர்த்தேக்கம் அமைப்பதற்கு பணியை தமிழக முதல்வர் துவக்கி வைத்தார்..

தமிழகத்தில்,
பொருளாதார வளர்ச்சிக்கு வித்திடும் விவசாயத்தை மேம்படுத்தும் வகையிலும், மக்களின் குடிநீர் தேவைகளைப் பூர்த்தி செய்யவும், கிடைக்கப்பெறும் நீரை வீணாக்காமல் நீர்நிலைகளில் தேக்கி வைக்கும் பொருட்டும், புதிய நீராதாரங்களை உருவாக்கிடவும், முன்னாள் முதலமைச்சர் ஜெயலலிதா அவர்கள் வழியில், செயல்படும் தமிழக அரசு நீர்வள ஆதார துறை மூலமாக பல்வேறு பாசன மேம்பாட்டு திட்டங்களை செயல்படுத்தி வருகிறது. அந்த வகையில், தமிழகத்தில் உள்ள 17 மாவட்டங்களில் 247 கோடியே 90 லட்சம் ரூபாய் மதிப்பீட்டிலான 21 திட்டப் பணிகளுக்கு, முதலமைச்சர் பழனிசாமி காணொலி காட்சி மூலம்
அடிக்கல் நாட்டினார்.
திருவள்ளூர் மாவட்டம், பொன்னேரி தாலுகாவில் உள்ள காட்டூர், தத்தமஞ்சி ஆகிய பகுதிகளில் 600 க்கும் மேற்ப்பட்ட ஏக்கர் பரப்பளவு கொண்ட இரண்டு பெரிய ஏரிகள் உள்ளன. அவைகள் இரண்டும் இயற்கையாகவே அருகருகே அமைந்துள்ளதால், இந்த இரண்டு ஏரிகளையும் இணைத்து பிரமாண்டமாக பெரிய அளவில் நீர்த்தேக்கத்தை உருவாக்கிட, தமிழக அரசு முடிவு செய்தது. அதனை அடுத்து பொதுப்பணித் துறையின் மூலம் இரண்டு ஏரிகளையும் இணைத்து, ஒரு பெரிய நீர்த்தேக்கத்தை உருவாக்க வேண்டி நபார்டு வங்கியின் நிதி உதவியின் மூலம் 62 கோடியே 35 லட்சம் மதிப்பீட்டில் திட்டம் உருவாக்கப்பட்டது. இந்தத் திட்ட பணிகளை தமிழக முதல்வர் எடப்பாடி பழனிச்சாமி அவர்கள் காணொளி காட்சி மூலம் துவக்கி வைத்தார்.
இந்த நிகழ்ச்சிக்காக காட்டூர் பகுதியில் நடந்த விழாவில், பொன்னேரி தொகுதி எம்எல்ஏ, சிறுனியம் பலராமன் அவர்கள், முதல்வருடன் காணொளி காட்சி மூலம் இணைந்து திட்ட பணிகளை துவக்கும் நிகழ்ச்சியில் கலந்து கொண்டார். மேலும் இந்நிகழ்ச்சியில், ஆரணியாறு வடிநில கோட்ட செயற்பொறியாளர் ஜெயக்குமாரி மற்றும் பொதுப்பணித்துறை அதிகாரிகள் கலந்து கொண்டனர். மேலும் மாவட்ட மாணவர் அணி செயலாளர் ராக்கேஷ், ஒன்றிய செயலாளர் மோகன் வடிவேல், கோளூர் கூட்டுறவு சங்க தலைவர் தமிழரசன், தத்தை அருள், பொன்னுதுரை, பொன்னேரி பா. சங்கர், காட்டூர் ஆனந்தன், வெற்றி, அமிர்தலிங்கம், பொன்னேரி சம்பத் உட்பட பலர் கலந்து கொண்டனர்.

செய்திகள் – தனசேகர்
நிழல்.இன் – 8939476777