Mon. Sep 28th, 2020

பெரியபாளையம் அருகே ஓட்டுனரின் கட்டுப்பாட்டை இழந்த வேன் மின்கம்பத்தில் மோதியதில், ஓட்டுநர் உட்பட தொழிலாளர்கள் 11பேர் காயம் மருத்துவ மனையில் அனுமதி…

1 min read
திருவள்ளூர் மாவட்டம் பெரியபாளையம் அருகே ஓட்டுனரின் கட்டுப்பாட்டை இழந்த வேன் மின்கம்பத்தில் மோதிய விபத்தில் 11பேர் காயமடைந்தனர். பெரியபாளையம் சுற்றுவட்டார இடங்களில் வசித்து வரும் பெண்கள் பூவிருந்தவல்லியில் உள்ள தனியார் ஏற்றுமதி ஆடைகள் தயாரிக்கும் நிறுவனத்தில் பணியாற்றி வருகின்றனர். பெரியபாளையத்தில் இருந்து 10 பெண் தொழிலாளர்களை ஏற்றி கொண்டு வேன் பூவிருந்தவல்லி நோக்கி சென்றது.

வடமதுரை கிராமத்தை வேன் கடந்து சென்று கொண்சு இருந்த போது ஓட்டுனரின் கட்டுப்பாட்டை இழந்த வேன் திடீரென நிலைதடுமாறி தாறுமாறாக ஓடி, சாலையில் இருந்து கீழே இறங்கி மின்கம்பத்தில் பலமாக மோதி விபத்திற்குள்ளானது. அதில், 10 பெண் தொழிலாளர்கள் மற்றும் ஓட்டுநர் காயமடைந்தனர். தகவலறிந்து, சம்பவ இடத்திற்கு வந்த போலீசார் காயமடைந்தவர்களை மீட்டு வேறு வாகனத்தில் திருவள்ளூர் அரசு மருத்துவமனைக்கு சிகிச்சைக்காக அனுப்பி வைத்தனர். இந்த சம்பவம் குறித்து, பெரியபாளையம் போலீசார் வழக்கு பதிவு செய்து விசாரணை மேற்கொண்டு வருகின்றனர்.

செய்திகள் – சீனிவாசன்
நிழல்.இன் – 8939476777

Leave a Reply

Your email address will not be published. Required fields are marked *