September 24, 2021

தமிழகத்தில்
2 லட்சம் பேருக்கு கொரோனா தடுப்பு ஊசி போடப்பட்டு இதுவரை யாருக்கும், எந்த பாதிப்பும் ஏற்படவில்லை, என சுகாதாரத்துறை அமைச்சர் பேட்டி…

1 min read
Spread the love

புதுக்கோட்டை மாவட்டம் அறந்தாங்கி பகுதியில் பல்வேறு நிகழ்ச்சியில் பங்கேற்பதற்க்காக வருகை தந்த சுகாதாரத்துறை அமைச்சர் விஜயபாஸ்கர் செய்தியாளர்களை சந்தித்தார்.
ஆலங்குடி சட்டமன்ற தொகுதிக்கு உட்பட்ட அறந்தாங்கி வடக்கு ஒன்றிய பகுதிகளான எரிச்சி, பரவாக்கோட்டை, வேம்பங்குடி, மேற்பனைக்காடு உள்ளிட்ட பகுதிகளில் பல்வேறு நிகழ்ச்சிகளில் பங்கேற்ற சுகாதார துறை அமைச்சர் கட்சிக் கொடியை ஏற்றி வைத்து உரையாற்றினார்.

பின்பு செய்தியாளர்களிடம் பேசிய சுகாதாரதுறை அமைச்சர் பேசுகையில்,
இதுவரை இரண்டு லட்சம் பேருக்கு கொரோனா தடுப்பு ஊசி போடப்பட்டு உள்ளதாக கூறினார். மேலும், காவல் துறை மாவட்ட ஆட்சியர் உள்ளிட்ட பல்வேறு நபர்களுக்கு கொரோனா ஊசி போடப்பட்டுள்ளதால் பொதுமக்கள் யாரும் அச்சப்படத் தேவையில்லை என கூறினார்.
மேலும் முக கவசம் அணிந்து கொண்டு பொது மக்கள் செல்ல வேண்டும் எனவும் கூறினார். அனைவரும் கொரோனா ஊசி போட்டுக்கொள்ள வேண்டும் என கோரிக்கை விடுத்தார்.

காவிரி வைகை குண்டாறு திட்டத்தை தொடங்கி வைக்க சுமார் 600 கோடி ரூபாய் நிதி ஒதுக்கி புதுக்கோட்டைக்கு நேரடியாக முதல்வர் வர உள்ளதாகவும் கூறினார். இதற்கான பணிகள் தொடங்கப்பட உள்ளன என கூறினார். நிகழ்ச்சியில் வடக்கு ஒன்றிய செயலாளர் வேலாயுதம், தெற்கு ஒன்றிய செயலாளர் பெரியசாமி தாந்தாணி ஊராட்சி மன்ற தலைவர் மெய்யநாதன் மாவட்ட ஒன்றிய குழு உறுப்பினர் கௌசல்யா ஊராட்சி உறுப்பினர் லலிதா சிவசாமி ராசு அம்பலம் கிருஷ்ணன் மண்டல முத்து தாயுமானவன் மனோகரன் உட்பட ஏராளமான அதிமுகவினர் கலந்து கொண்டனர்.

செய்தியாளர் – ஆனந்த்
நிழல். இன் – 8939476777

Leave a Reply

Your email address will not be published. Required fields are marked *

You may have missed