October 24, 2021

தூத்துக்குடி மாவட்டம் கீழ ஈரால் பகுதியில், “தமிழன்டா கலைக்கூடம் மற்றும் தமிழ் பண்பாடு மேம்பாட்டு மையம்” சார்பாக, கொரோனா நிவாரண பொருட்களை நாட்டுப்புற கலைஞர்களுக்கு எஸ்.பி ஜெயக்குமார் வழங்கினார்…

1 min read
Spread the love

எட்டாயபுரம் தாலுகாவிற்கு உட்பட்ட பகுதியான கீழ ஈரால், எப்போதும்வென்றான் தம்பாள்யூரணி உட்பட சுற்று வட்டார பகுதிகளில் வசித்து வரும் சுமார் 80 நாட்டுப்புற கலைஞர்களுக்கு தமிழன்டா கலைக்கூடம் மற்றும் தமிழ் பண்பாடு மேம்பாட்டு மையம் சார்பாக, கொரோனா ஊரடங்கு கால நிவாரணப் பொருட்கள் வழங்குவதற்கான ஏற்பாடுகள் செய்யப்பட்டிருந்தது.
அதை மேற்படி கலைக்கூடம் சார்பாக இன்று (22.05.2021) காலை எட்டையாபுரம் கீழ ஈரால் கிராமத்திலுள்ள அரசு ஆரம்ப சுகாதார நிலையத்தில் மாவட்ட காவல் கண்காணிப்பாளர் எஸ்.ஜெயக்குமார் அவர்கள் ஊரடங்கால் வாழ்வாதாரத்தை இழந்த நாட்டுப்புற கலைஞர்களுக்கு அரிசிப்பை, காய்கறி தொகுப்பு, மளிகை பொருட்கள் மற்றும் முகக்கவசங்கள் வழங்கினார்.

அப்போது மாவட்ட கண்காணிப்பாளர் அவர்கள் பேசுகையில்; தற்போது தமிழகத்தில் இந்த கொரோனா வைரஸ் தொற்றுக்கு ஒரு நாளைக்கு சுமார் 35,000 பேர் புதிதாக பாதிக்கப்படுகின்றனர். பலர் தினமும் உயிரிழக்கின்றனர். கொரோனா வைரஸை முற்றிலும் ஒழிப்பதற்கு தமிழக அரசு பல்வேறு நடவடிக்கைகள் எடுத்து வருகிறது. அதற்காக ஊரடங்கு உத்தரவும் பிறப்பிக்கப்பட்டு, நெறிமுறைகளையும் அறிவித்துள்ளது. அதை பின்பற்ற வேண்டியது நமது கடமை. ஆகவே நாம் அனைவரும் கட்டாயமாக முகக்கவசம் அணிய வேண்டும், முகக்கவசத்தை உரிய முறையில் மூக்கு, வாய் ஆகியவற்றை முற்றிலுமாக மறைத்து முகக்கவசம் அணிய வேண்டும். சமூக இடைவெளியை கடைபிடிக்க வேண்டும், கைகளை அடிக்கடி கிருமி நாசினி மற்றும் சோப்பு போட்டு நன்றாக கழுவி சுத்தம் செய்ய வேண்டும்.

கொரோனா தொற்றிலிருந்து நம்மை பாதுகாத்துக்கொள்ள நோய் எதிர்ப்பு சக்தியை அதிகரிக்க கபசுரகுடிநீர் எடுத்துகொள்ள வேண்டும், மேலும் கொரோனா தடுப்பூசி அனைவரும் போட்டு கொள்வதன் மூலம் நம் உயிரை காப்பாற்றிக் கொள்ளலாம் என்று மாவட்ட காவல் கண்காணிப்பாளர் எஸ். ஜெயக்குமார் அவர்கள் சிறப்புரையாற்றினார்.

இதற்கான ஏற்பாடுகளை தமிழன்டா கலைக்கூடம் மற்றும் தமிழ் பண்பாடு மேம்பாட்டு மையம் இயக்குனர் ஜெகஜீவன், ஆலோசகர்கள், பிரம்மராஜ், கதிர்வேல், செயலாளர் திருமணிராஜா, துணைச் செயலாளர் மந்திரமூர்த்தி மற்றும் மாணவர் தலைவர் கார்த்திக் ஆகியோர் செய்திருந்தனர்.
இதில் விளாத்திகுளம் துணை காவல் கண்காணிப்பாளர் பிரகாஷ், எட்டையாபுரம் காவல்நிலைய ஆய்வாளர் ஜின்னா பீர் முகமது, உதவி ஆய்வாளர் பொன்ராஜ் மற்றும் பலர் கலந்து கொண்டனர்.

செய்தியாளர் – ஜெகதீஸ்வரி
நிழல். இன் – 8939476777

More Stories

Leave a Reply

Your email address will not be published. Required fields are marked *

You may have missed